На судењето за двојното убиство денеска, Зорица Ѓорчевска, мајката на Вања, даде сведочење за киднапирањето и убиството на нејзината ќерка во ноември 2023 година., пишува СДК.МК
Според порталот, мајката опишала како Вања исчезнала утрото на пат кон училиште и како нејзиниот поранешен сопруг Александар, обвинет за соучесништво, веднаш тврдел дека девојчето е киднапирано.
„Околу десет за осум излегувам пешки за на работа. Гледам порака од класната: Вања ја нема на прв час! Веднаш се јавив, не беше достапна на ‘Гугл мапс’ видов дека таа е на Партизанска, во близина на ‘Фитнес Хаус’. Се јавив на Александар, дека Вања ја нема. Што да правам, викав, му реков доаѓам накај тебе, симни се. Се симна, јас се јавив во 8 часот во полиција дека детето го нема. Се упативме пред ‘Фитнес Хаус’, пребаравме една напуштена куќа. Дојдоа полицајците, се јавив по роднините. Започна потрагата”, одговараше мајката
Таа се задржала на однесувањето на таткото.
„Тој беше веќе облечен и симнат доле. Не е вообичаено така брзо да се подготвува. Обично доцнеше. Сега беше спремен доле. Беше потиштен. Јас цело време се правдав не знам каде е детето. Не се скарав. Не знам што се случи сабајлето”, сведочеше мајката која истакна дека пред Соборниот храм на полицијата ѝ давала податоци.
Како што вели колегите телеоператори добиле службен налог да бараат дали од некаде ќе прозрачи мобилниот телефон на Вања, додека во меѓувреме таа со другата ќерка Миња отишла дома, а Александар со полицаец отишол на локација.
Според неа, во очи паднало тоа дека веднаш рекол оти ќерка му е киднапирана.
„Од првиот момент тврдеше дека Вања е киднапирана. Дека нема што друго да биде”, рече мајката и продолжи да одговара на деталните прашања.
Обвинетите се товарени за свирепо убиство и киднапирање, а таткото, иако негира учество, останува главен осомничен.
Обвинителството тврди дека злосторството било извршено од користољубие.
Целиот текст на СДК.МК
ИЗВОР: ТВ 21
