Илон Маск реши да го ескалира очигледното непријателство со можните адвертајзери (запечатено со неговата јавна и јасна порака до нив „Go Fuck Yourself)“ со тужба против коалицијата која ги претставува големите адвертајзинг пари за координиран бојкот и кршење на антимонополските правила на пазарот.
Тужбата е поднесена во Тексас, адресирана е до Глобалната федерација на адвертајзери која се обвинува дека координирала компании да ги запрат парите за Икс откако Маск ја презема платформата во 2022 година.
Во пресрет на преземањето, 18 фирми ги прекинаа рекламните кампањи на Икс а десетици други ги намалија буџетите, во неколку случаи за над 70 проценти, во обид да го принудат Икс да имплементира фаворизирани политики, се вели во тужбата.
Во предметот се вклучени и неколку големи компании, како што е Марс, CVS Health, Унилевер и данската компанија за обновливи извори на енергија Орстед.
„Незаконското однесување на овие организации и нивните директори го чинеше Икс милијарди долари“, напиша извршната директорка Линда Јакарино во отвореното писмо до огласувачите. „Луѓето се оштетени кога им се потценува пазарот на идеи а некои гледишта се потиснуваат во однос на други како дел од нелегалниот бојкот“.
Икс тврди дека на клиентите им било препорачувано да го прекинат рекламирањето заради „висок ризик“ за нивниот бренд. По ваквиот бојкот, Икс приходно падна за 80 отсто под очекуваното што ја принудило компанијата да ги намали цените на рекламите многу под оние што ги наплаќаат најблиските конкуренти на пазарот за рекламирање на социјалните медиуми.
„Докажавме дека нашата платформа им овозможува на огласувачите безбедно да ги покажат своите брендови и ефикасно да стигнат до нивната публика. Затоа работев со добра волја со маркетери ширум светот за да ги прикажам нашите иновации и да ги ублажам сите грижи за брендовите со кои соработувам со децении.
За жал, и покрај сите наши напори, стотици состаноци и истражувања кои го докажуваа спротивното, многу компании избраа да ги отфрлат фактите.
На оние кои го прекршиле законот им велиме доста е. Ние сме принудени да бараме правда за штетата што е направена од овие и потенцијално други дополнителни обвинети, во зависност од тоа што ќе открие правниот процес. Јасно е дека веројатно има и други кои страдале од ваква активност. Овој случај е повеќе од барање отштета – мораме да поправиме еден расипан екосистем кој дозволува вакви незаконски активности.
Бидете сигурни, нема да престанеме да го браниме нашиот глобален градски плоштад“, пиша Јакарино.
********
Види и:
Стариот Твитер беше државен медиум
ИЗВОР: off.net.mk
