МОСКВА (АА) – Рускиот министер за надворешни работи Сергеј Лавров денес пристигна во Њујорк за да учествува на седниците на Советот за безбедност на ОН на 16 и 17 јули за време на руското претседателство, кое започна на 1 јули, јавува Анадолу.
„Делегацијата на Сергеј Лавров пристигна во Њујорк за да присуствува на состаноците на Советот за безбедност на ОН под руско претседателство“, објави на Телеграм портпаролката на Министерството за надворешни работи, Марија Захарова.
Подоцна во текот на денот Лавров ќе претседава со дебата на министерско ниво насловена како „Мултилатерална соработка за формирање на поправеден, демократски и одржлив светски поредок“.
Тој утре ќе го води министерскиот состанок за ситуацијата на Блискиот Исток, вклучително и за палестинското прашање, се вели во одвоеното соопштение од Министерството.
Рускиот министер за надворешни работи, исто така, ќе се вклучи во серија билатерални состаноци на кои ќе се разговара за меѓународни и регионални прашања, вклучувајќи го Блискиот Исток и ситуацијата во Газа, украинската криза и напорите за одбрана на Повелбата на ОН.
Извор: Anadolu Agency (AA)
