ТОКИО (АА) – Денес Јапонија ја одбележува 13-годишнината од силниот земјотрес и цунамито што го погодија северниот брег на земјата, јавува Анадолу.
Речиси 20.000 луѓе загинаа, цели градови беа збришани, а нуклеарната централа Фукушима Даичи беше уништена, создавајќи длабок страв од радијација што трае до ден денес.
Луѓето низ земјата одржаа едноминутно молчење во 14:46 часот по локално време, симболизирајќи го моментот кога на 11 март 2011 година земјотресот со магнитуда од девет степени го погоди североисточниот брег на Јапонија.
Земјотресот и цунамито на 11 март 2011 година опустошија делови од североисточниот брег на Јапонија, при што загинаа речиси 20.000 луѓе и предизвикаа нуклеарна криза во електраната во префектурата Фукушима.
Околу 20.000 од повеќе од 160.000 евакуирани жители низ Фукушима сè уште не се вратиле назад.
Годишните истражувања покажуваат дека повеќето евакуирани немаат намера да се вратат дома, наведувајќи го како причина недостатокот на работа, училишта и изгубените заедници, како и загриженоста поради радијацијата.
Градовите погодени од катастрофата, вклучително и оние во префектурите Ивате и Мијаги, забележаа нагло намалување на бројот на населението.
Гувернерот на Фукушима, Масао Учибори, за телевизијата НХК изјави дека сè поголем број млади луѓе сакаат да се преселат во Фукушима за да започнат бизнис или да помогнат во обновата, и изрази надеж дека повеќе жители ќе се вратат.
Извор: Anadolu Agency (AA)
