РАМАЛА (АА) – Телекомуникациските услуги денес делумно се вратија во Појасот Газа по вчерашниот прекин, соопшти телекомуникацискиот оператор, пренесува Анадолу.
Компанијата „Џавал“ соопшти дека телефонските и интернет-услугите се вратени во областите во централниот и јужниот дел на Појасот Газа.
Но во северниот дел на Појасот Газа и понатаму се во прекин комуникациските услуги поради интензивното израелско бомбардирање и ограничената мобилност на техничките тимови.
Вчера компанијата објави целосен прекин на комуникациските и интернет-услугите во Појасот Газа поради тековните израелски воздушни напади.
Последниот прекин е осми по ред од почетокот на судирот помеѓу Израел и Хамас на 7 октомври.
Израел започна голема воена кампања врз Појасот Газа по прекуграничниот напад на палестинската група на отпорот, Хамас, на 7 октомври, во која, според здравствените власти во Газа, досега се загинати најмалку 21.110 Палестинци, главно, жени и деца, а повредени се 55.243.
Израелските напади ја оставија Газа во урнатини, со 60 отсто од инфраструктурата на енклавата оштетена или уништена и речиси 2 милиона луѓе раселени поради сериозниот недостиг на храна, чиста вода и лекови.
Извор: www.aa.com.tr
