Алкараз е нов „крал“ на Вимблдон, Новак Ѓоковиќ загуби во битката од пет сета

July 16, 2023
1 min read

„Ја имаш способноста да ја „кренеш играта“ со големи поени, во големи ситуации, и апсолутно го заслужуваш ова“, му честиташе Ѓоковиќ (36) на Алкараз (20), во говорот по завршувањето на мечот

„Ти ме инспирираш многу. Почнав да играм тенис гледајќи те. Ти веќе освојуваше турнири кога јас сум бил роден“, му возврати Алкараз на Ѓоковиќ кога дојде време за неговото обраќање по мечот

Карлос Алкараз е новиот шампион на Вимблдон. Доцна попладнево тој го совлада седумкратниот победник на најпрестижниот тениски турнир на трева во светот, Новак Ѓоковиќ.

Битката траеше пет сета. Првиот, релативно лесно и брзо, го доби Ѓоковиќ со 1:6. Алкараз успеа да се врати во вториот сет со 7:6 и тоа по тајбрејк кој го доби со 8:6. Алкараз потоа играше „со крилја“ и го доби третиот сет со 6:1, но Ѓоковиќ не се предаде и возврати во четвртиот сет со 3:6. Последниот сет му припадна на Алкараз, кој го доби со 6:4.

Карлос Алкараз

„Ова е остварување на моите соништа. Реков и претходно дека ќе биде одлично ако победам, но ќе бев горд на себе дури и ако изгубев. Да создаваш историја на овој прекрасен турнир, да играш финале против легенда на спортот. Ова е остварување на сон“,

изјава Алкараз по мечот.

Дел од говорот новиот шампион го посвети на Ѓоковиќ.

„Морам да му честитам на Новак, беше неверојатно да се игра против него. Ти ме инспирираш многу. Почнав да играм тенис гледајќи те. Ти веќе освојуваше турнири кога јас сум бил роден. Рече дека 36 се новите 26 и го остваруваш тоа. Тоа е неверојатно“,

изјави Алкараз.

Ѓоковиќ со евентуална победа ќе го освоеше осмиот пехар на Вимблдон и со тоа ќе се израменеше на првото место со Рожер Федерер, според бројот на освоени титули на турнирот. Сепак, српскиот тенисер не потона во каење по настапот, туку изрази голема почит кон својот противник.

Новак Ѓоковиќ

„Добар ден на сите, не баш за мене, но добар е за Карлос. Морам да започнам со пофалба за Карлос и неговиот тим. Каков само квалитет на крајот на мечот кога мораше да сервираш. Ја имаш способноста да ја „кренеш играта“ со големи поени во големи ситуации и апсолутно го заслужуваш ова. Неверојатно.

Мислев дека ќе имам проблеми со тебе на други подлоги, но не и на трева. Сега, од оваа година, приказната е очигледно поинаква. Ти честитам, неверојатно е како се прилагоди на подлогата“,

изјави меѓудругото Новак Ѓоковиќ.

Новак Ѓоковиќ има 36 години. Тој стана тенисер со најголем број на титули на „грен-слем“ турнирите во историјата на овој спорт кога го освои Ролан Гарос пред околу два месеци.

За 20 годишниот Карло Алкараз ова е втора „грен-слем“ титула. Со победата во Вимблдон сериозно се наметнува како следниот голем играч во тенисот.

Извор: 360stepeni.mk

MARKETING

MARKETING

Претходно

Четврто издание на Галичник филм фестивал од 4 до 6 август

Следно

Млада мајка се обидела да го задуши своето 9-месечно бебе во околината на Кладово

Latest from Blog

Турски мајстор на бастуни ги гравира имињата што ја обликуваа турската историја

ИСТАНБУЛ (АА) – Селами КУЧУКОГЛУ – Мајсторот на ракотворби Шахин Караман создаде специјална колекција составена од 19 парчиња бастуни на кои се гравирани имињата, историските мотиви и настаните што ја обликуваа турската

Хамилтон помина без казна

Седумкратниот светски шампион Луис Хамилтон избегна казна за попречување на Алекс Албон на свиокот 17 за време на вториот слободен тренинг во Саудиска Арабија. Возачот на Вилијамс беше во брз круг и

Во Рим започна втората рунда индиректни американско-ирански нуклеарни преговори

АНКАРА (АА) – Денес, во главниот град на Италија, Рим, започна вториот круг индиректни преговори помеѓу Соединетите Американски Држави (САД) и Иран за нуклеарната програма на Техеран, пренесува Анадолу. Иранската новинска агенција

19-годишен возач загина кај Миравци

Денеска (19.04.2025) околу 04 часот во ОВР Гевгелија, било пријавено дека на регионален пат с.Миравци- с.Давидово, патничко возило „бмв“ со гевгелиски регистарски ознаки, управувано од Т.П.(19) од с.Миравци, гевгелиско, излетало надвор од

Продолжуваат протестите во Кочани: Семејствата на жртвите бараат правда за пожарот во дискотеката „Пулс“

Семејствата на загинатите во пожарот што се случи во дискотеката „Пулс“ во Кочани организираа трет протестен марш во знак на сеќавање на трагедијата што се случи на 16 март. На маршот, кој
Go toTop