Кремљ ги отфрли обвинувањата на опозицискиот претседателски кандидат на Туркије за мешање во изборите

May 14, 2023
1 min read

ИСТАНБУЛ (АА) – Кремљ „категорично“ ги отфрли тврдењата на опозицискиот кандидат за претседател на Туркије, Кемал Киличдароглу, дека Москва се мешала во претседателските избори во Туркије, објавија руските државни медиуми, пренесува Анадолу.

„Веднаш изјавивме дека категорично ги отфрламе обвинувањата за мешање во турските избори. Ова не доаѓа предвид“, изјави портпаролот на Кремљ, Дмитриј Песков, за новинската агенција ТАСС синоќа.

Песков рече дека Москва е „крајно разочарана“ од изјавата на турската опозиција, додавајќи дека обвинувањата на Киличдароглу „очигледно се спротивни“ на визијата на Мустафа Кемал Ататурк, основачот на Република Туркије, кој, како што рече, бил „уверен поддржувач на развојот на руско-турските односи“.

„Лидерот на опозицијата рече дека имал докази (за руско мешање). Сè уште не ги презентираше. Сигурни сме дека нема да може да го стори тоа бидејќи тие, всушност, не постојат“, рече портпаролот на Кремљ.

Тој додаде дека Русија го негува „нивото на односи постигнато во изминатите години“ со Туркије и дека Москва „ќе го почитува изборот на турскиот народ“.

Киличдароглу, лидерот на главната опозициска Републиканска народна партија (ЏХП) и заеднички кандидат на шестпартиската опозициска Национална алијанса, во четвртокот ја обвини Русија дека стои зад видеосодржината што наводно ги дискредитира кандидатите за претседател на изборите на 14 мај.

Песков во петокот рече дека не може да стане збор за какво било мешање на Русија во турските избори и дека „оние што шират такви гласови се лажговци“.

Милиони гласачи почнаа да се упатуваат кон гласачките места во Туркије рано утринава, при што претседателските и парламентарните избори во земјата почнаа во 8 часот по локално време.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

MARKETING

MARKETING

Претходно

Камавинга ќе може да игра против Манчестер Сити

Следно

Наполи ќе му понуди договор на Лучијано Спалети до 2025 година

Latest from Blog

Италија: Вулканот Етна исфрла пепел и лава

РИМ (АА) – Етна, еден од активните вулкани на југот на Италија, исфрла пепел и лава, известува Анадолу. Според информациите до кои дојде дописникот на АА од локални извори, вулканската активност на

Претседателката Сиљановска ги посети повредените од пожарот кои се лекуваат во Софија

Во Софија денеска претседателката Гордана Сиљановска-Давкова ги посети повредените од пожарот во Кочани, кои се лекуваат во болницата „Пирогов“. Во Бугарија вкупно се наоѓаат 14 пациенти, од кои девет се во болницата

Паметник на Пониква и Спомен-парк во Кочани за жртвите во пожарот во дискотеката „Пулс“

Кочанските планинари и активни доброволци-пожарникари Тошо и Стојка Антови, чија ќерка Ивона загина во пожарот со 59 жртви во дискотеката „Пулс“ во Кочани на 16 март, покренаа иницијатива за изградба на меморијален
Go toTop