(ВИДЕО) Седумгодишно девојче тешко повредено во пукање во централен Лондон 

January 14, 2023
1 min read

Кај девојчето биле констатирани животнозагрозувачки повреди, а според соопштението на лондонската метрополитен полиција во пукањето е повредено уште едно девојче на 12-годишната возраст, како и четири жени на возраст од 21, 41, 48 и 54 години

Седумгодишно девојче e тешко повредено во пукање што денеска попладне се случило во близина на црква во центарот на Лондон, пренесува Би-би-си. 

Полициски екипи вршат увид на местото на пукањето во централен Лондон/Фото: Принтскрин

Кај девојчето се констатирани животнозагрозувачки повреди, а според соопштението на лондонската метрополитен полиција во пукањето е повредено уште едно девојче на 12-годишната возраст, како и четири жени на возраст од 21, 41, 48 и 54 години. 

Полицијата, како што наведува британскиот национален сервис, околу 13:30 часот одговорила на пријава за истрели од возило во движење во близина на црква во која во тоа време се одржувал погреб. 

Сериозни повреди биле констатирани и кај 48-годишната жена, додека состојбата на жената на возраст од 21 година засега не е позната. 

Претставник на полицијата изјави дека другите две жени не се во животна опасност и дека на 12-годишното девојче му е укажана лекарска помош поради полесна повреда на ногата.  

Седумгодишното девојче околу 14:05 часот било пренесено во болница во централен Лондон и „останува во болница во животнозагрозувачка состојба“. 

Од полицијата соопштија дека во тек е „итна истрага“, но повеќе детали за инцидентот сe уште не се соопштуваат. 

„Во оваа рана фаза, нема уапсени лица“,

се вели во соопштението на лондонската полиција. 

 Полициските инспектори побарале сите кои поседуваат снимки од настанот да контактираат со надлежните, а се прегледуваат и снимките од безбедносните камери во Лондон. Поради пукањето затворени се и улици во центарот на градот додека трае истрагата. 

Началникот на лондонската метрополитен полиција, Ед Велс изјави дека секој инцидент во кој се користи огнено оружје е неприфатлив, а тоа што две деца се повредени среде саботно попладне е шокантно. 

„Нашите мисли се со сите жртви, но особено со седумгодишното девојче. Истрагата за овој страшен напад е веќе во тек. Можам да ги уверам заедниците на Камден и пошироко дека ќе направиме се што можеме за да ги идентификуваме и изведеме пред лицето на правдата оние кои се одговорни“,

изјави Велс, пренесува Би-би-си. 

 Тој додаде дека ќе има „засилено полициско присуство во областа во текот на викендот и во наредните денови“. 

Полициски службеници го обезбедуваат местото на настанот/Фото: Принтскрин

Луѓето, кои во тој момент биле во католичката црква биле евакуирани преку страничниот влез. 

Градоначалникот на Лондон Садик Кан го опиша пукањето како „длабоко вознемирувачко“. 

Тој рече дека полициската истрага е во тек, додавајќи дека е во постојан контакт со полицијата за да утврди што се случило.  
 

Извор: 360stepeni.mk

MARKETING

MARKETING

Претходно

Во Македонија ќе има мајчинско, татковско и родителско отсуство, еве што предвидува новиот закон 

Следно

Играчи на Сити и Јунајтед, плус Гвардиола си размениле жестоки зборови

Latest from Blog

Лина Ѓорческа елиминирана на турнирот во Словенија

Најдобрата македонска тенисерка во второто коло го заврши настапот на турнирот во Словенија откако претрпе пораз од грузиската тенисерка Екатерина Горгодѕе со 2-1 во сетови. Првиот сет припадна на Горгодѕе со резултат 7-5,

Љутков ги остави без плата вработените во културата на Велигден

Вработените во културата во Република Северна Македонија реагираат со соопштение затоа што министерот за култура Љутков ги остави без плата на Велигден. Соопштението го пренесуваме во целост. „Вработените во културата во Република

Јајцата може да поскапат од 1 мај

Цените на јајцата во Европската унија продолжуваат да растат, при што во март 2025 година се забележа просечно зголемување од 6,7% во споредба со истиот период минатата година, според податоците на Евростат.​

Вучиќ: Не смее да продолжи блокадата на РТС

Претседателот на Србија, Александар Вучиќ, во објава на Инстаграм порача дека не смее да се продолжи со блокада на Радио-телевизија Србија и дека државата ќе има сила да го заштити уставниот поредок.
Go toTop