МОСКВА (АА) – Земјотрес со јачина од 6,9 степени се случи во рускиот регион Камчатка, пренесува Анадолу.
Информацијата преку соопштение ја потврди Министерството за итни состојби на Русија.
Во соопштението се наведува дека земјотресот со јачина од 6,9 степени се случил на длабочина од околу 100 километри.
Се вели дека нема загинати или повредени во земјотресот во Камчатка, која се наоѓа во источниот дел на Русија.
Според соопштеното, досега не е регистрирана материјална штета како резултат на овој земјотрес.
Како што се нагласува во соопштението, не постои опасност од цунами по настанатиот земјотрес со јачина од 6,9 степени.
Извор: www.aa.com.tr
