Коњановски: Гласот на младите треба да се преточи во конкретни локални решенија

November 17, 2026
1 min read

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите и се подготвуваа за нивно претставување пред општинска комисија.

На учесниците им се обратија градоначалникот Тони Коњановски и претседателот на Советот, Бојан Бојкоски, кои ја нагласија важноста младите да имаат активна улога во креирањето на локалните политики.

Коњановски истакна дека енергијата, креативноста и размислувањата на младите се значаен придонес за развојот на Битола.

„Младите се иднината, но и сегашноста на нашата општина. Нивната енергија, креативност и нови идеи се од исклучително значење за создавање подобра средина за сите нас“, рече градоначалникот.

Тој порача дека слушањето на младинскиот глас треба да биде придружено со вистинска можност за учество во подготовката на решенијата.

Низ досегашните работилници, средношколците ги препознавале и мапирале локалните проблеми, а потоа ги преточиле во конкретни проектни предлози. Најуспешните ќе бидат претставени на претстојниот Национален форум на ЛАПСИ.

Бојкоски најави дека предложените идеи ќе бидат разгледани во рамките на соодветните општински програми, со цел дел од нив да добијат можност за реализација.

„Нашата цел е младите да не бидат само предлагачи на идеи, туку активни учесници во создавањето на иднината на Битола“, истакна претседателот на Советот.

Проектот го спроведува Институтот за економски стратегии и меѓународни односи – Охрид, во рамките на програмата BOOST, координирана од ALDA. Финансиската поддршка ја обезбедува Француската агенција за развој, а активностите се реализираат во соработка со Општина Битола.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Општина Прилеп: Втор повик за поддршка на семејствата со првачиња во учебната 2026/2027 година

Latest from Blog

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во

Општина Битола: Продолжува креирањето на буџетот за 2027 година заедно со граѓаните

Општина Битола го најави одржувањето на третиот буџетски форум, на кој граѓаните ќе имаат можност да учествуваат со свои идеи, предлози и иницијативи во процесот на креирање на општинскиот буџет за 2027

Божиновска: На 25 ноември во Скопје го отвораме Првиот форум за енергетска дипломатија

На 25 ноември, во хотелот „Александар Палас“ во Скопје, ќе се одржи Првиот форум за енергетска дипломатија „Обновливи извори и жените во енергетиката“, најави министерката за енергетика, рударство и минерални суровини, Сања

Николоски од Виена: Македонија ќе стане клучна транспортна крстосница во Југоисточна Европа

Предизвикот за земјите од регионот е како заеднички да настапуваат на европскиот пазар, како да се натпреваруваат со конкуренцијата и како да се постигне повисоко ниво на развој. За овие прашања,  за

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за
Go toTop