Милан не успеа да стигне до победа на гостувањето кај Сасуоло, ремизирајќи 1-1 во натпреварот од шестото коло во Серија А. Росонерите први поведоа во второто полувреме, но домаќините брзо возвратија и до крајот успешно го зачуваа нерешениот исход.
По мирните први 45 минути, влегувањето на Лука Модриќ во игра донесе поголема динамика во нападот на Милан. Хрватскиот ветеран веднаш се вклучи во акциите на гостите, а во 63-тата минута беше асистент при водечкиот погодок. Модриќ одлично го проигра Адриен Рабио, кој со силен удар под пречката го совлада противничкиот голман за 0-1.
Сепак, предноста на Милан траеше само пет минути. По корнерот на Лориенте и мешаницата во казнениот простор, резервистот Одентал најдобро се снајде и ја испрати топката во мрежата за 1-1 во 68-та минута.
До последниот судиски свиреж Милан се обидуваше повторно да дојде до водство, но Сасуоло успешно ги затвори приодите кон својот гол и стигна до значаен бод.
Извор: sportmanija.mk
