Наградата „4-ти Ноември” на Општината Битола се доделува на физички и правни лица како знак на општествено признание за значајни остварувања во стопанството, науката, уметноста, културата, воспитанието и образованието, здравствената заштита, социјалната заштита, спортот, техничката култура, заштитата и унапредувањето на животната средина и природата, како и други сегменти од животот, трудот и творештвото, што претставуваат посебен придонес за развојот на Општината, Република Македонија и светот.
Наградата се доделува во две категории:
а) едногодишна за достигнувања во периодот од 01.08.2025 до 31.07.2026 година;
б) за животно дело што претставува заокружена, континуирана творечка целина.
Наградата за првата категорија се доделува на правни и физички лица, додека, пак, наградата за животно дело се доделува само на едно физичко лице.
Право на предлагање кандидати за наградата имаат правни лица, здруженија на граѓани, група граѓани и поединци.
Конкурсот трае од 11.09.2026 година до 12.10.2026 година, до 15:30 часот.
Предлозите се поднесуваат до Управниот одбор на Фондот за Наградата „4-ти Ноември” на Општина Битола, ул.„Булевар 1-ви Мај”бр.61 Битола – канцеларија бр.10, зграда на општинскиот инспекторат.
Повеќе информации на линкот: https://www.bitola.gov.mk/4-noemvri-2026-godina/
