Француските фудбалски клубови заработиле најмногу од продажбата на фудбалери другите лиги во текот на овој летен трансфер период. Според податоците на ФИФА, од 1 јуни до 2 септември француските клубови само од продолжба на играчи инкасирале 1,7 милијарди долари.
На второто место на листата се клубовите од Англија, кои продале фудбалери за вкупна сума од 1,43 милијарди долари, па следуваат Германија со 1,02 милијарди и Шпанија со 773 милиони долари.
Во топ 10 се и Португалија, Италија, Белгија, Холандија, Бразил и Данска.
Интересно е што Франција заработила речиси трипати повеќе од сумата што ја потрошила на играчи од странство. Овие податоци уште еднаш ја потврдуваат позицијата на француските клубови како едни од најголемите „извозници“ на фудбалски таленти.
Извор: vecer.mk
