УЕФА подготвува кривична постапка против претседателот на ФИФА, Џани Инфантино, поради неговиот обид да продаде удел во Светското првенство на приватни инвеститори. Информациите доаѓаат од правни документи во кои се наведува дека УЕФА презема конкретни правни чекори. Тужбата ќе биде поднесена во Швајцарија, каде што се наоѓа седиштето на ФИФА.
„УЕФА и други заинтересирани страни подготвуваат кривични пријави во Швајцарија против Инфантино, а потенцијално и против други службеници и советници на ФИФА. Обвиненијата ќе се базираат на обвиненија за недолично однесување согласно член 158 од швајцарскиот кривичен законик, со можност за додавање други или алтернативни обвиненија што можат да произлезат од собраните докази.
Ова се однесува на тајно планирање и спроведување на трансакција што директно го оштети угледот на ФИФА, нејзините управувачки функции и деловните односи. Оваа трансакција беше на штета на самата организација и нејзините 211 членови, вклучувајќи 55 членови на УЕФА.“, тврди Скај,
За да се собере целата документација за планот, УЕФА веќе покрена постапка во Соединетите Американски Држави. Барањето е поднесено во Окружниот суд во Њујорк против JP Morgan и против планираниот главен инвеститор, Thrive Capital, и неговиот извршен директор Џошуа Кушнер, брат на Џаред Кушнер, зет на Доналд Трамп.
УЕФА, исто така, покрена постапка пред судовите во Мајами, каде што е сместен правниот тим на светската фудбалска организација. Во еден од правните документи, УЕФА го опишува спорниот проект како механизам што требало да им обезбеди на Инфантино и на мал круг соработници траен удел и профит од највредниот имот на ФИФА.
Во документот се наведува дека планот е развиен „на штета на самата организација, нејзините членови и другите учесници во фудбалскиот свет“.
Извор: vecer.mk
