И дефинитивно ова го има само во Норвешка. Имено во вторникот Бодо/Глимт играше во плеј-офот во ЛШ против НЕЦ Нијменген и успеа да се пласира во елитната европска лига, а веќе вчера (среда) имаше меч во Националниот Куп. И вчера победи на гости со 0:5 во 1/64 финалето.
И покрај фактот што во вторникот одиграа натпревар од Лигата на шампионите, играчите на Бодо Глимт мораа повторно да излезат на теренот вчера.
Натпреварот помеѓу Бодо Глимт и НЕЦ заврши во вторникот околу 23 часот, а вчерапниот почна во 18 часот. На никој не му е јасно како е ова можно, но правилата се повеќе од јасни и луѓето во Фудбалската асоцијација на Норвешка не ги интересира ништо.
Имено, натпреварот од Купот на Норвешка беше закажан за вчера, а играчите на Бодо Глимт беа должни да се појават на натпреварот и немаше шанси да има никакво одложување.
Така, помалку од 24 часа по завршувањето на натпреварот од Лигата на шампионите, играчите на Бодо Глимт играа натпревар од домашниот куп.
Јасно е дека голем број од играчите од првиот тим го пропуштија овој натпревар, а фактот што патуваа само 50 минути до стадионот каде што го играа натпреварот беше во нивна корист. Интересно, Бодо/Глимт победи на гости со 0:5 кај Фауске Спринт, но притоа му беа исклучени два играчи.
Сепак, ова е ситуација што не се гледа често кога станува збор за професионалниот фудбал.
Можеме само да замислиме вакво нешто да се случи во мак – фудбалот?
Извор: vecer.mk
