Тоневски: Подготвуваме нови проекти за водоснабдување, патишта и канализација во Пробиштип

August 7, 2026
1 min read

Градоначалникот на Општина Пробиштип, Тони Тоневски, информира дека општината интензивно работи на подготовка на проектна документација за повеќе инфраструктурни проекти кои се планира да се реализираат во наредниот период.

Тоневски посочува дека покрај градежните активности на терен, особено внимание се посветува на подготовката на проекти во областа на водоснабдувањето, патната инфраструктура и канализацијата.

Во делот на водоснабдувањето веќе се подготвени проекти за подобрување на водоснабдувањето во Стрмош и изградба на нов водовод во Дренак, додека во подготовка е проектната задача за изградба на нова филтер-станица во Лесново.

Предвидени се и истраги за количината на вода за подготовка на проекти за водоснабдување на селата Зарапинци, Гризилевци, Стрисовци и Лезово, како и за нова филтер-станица за Пишица, Гујновци и Гајранци.

Во патната инфраструктура, готов е проектот за реконструкција на патот до Турско Рудари, а се подготвува и проект за асфалтирање улици во Древено. Започнати се геодетските снимања за проектот за изградба на патот до Шталковица, како прва фаза од патот кон Пониква.

Се преработува и проектот за асфалтирање на патот до Јамиште, со цел негово усогласување со актуелната состојба на терен.

Општината работи и на решавање на проблемите со атмосферската и фекалната канализација. Изработена е проектна документација за прифаќање на атмосферските води на улицата „Јане Сандански“ во Злетово, а наскоро се очекува и проектот за атмосферска канализација на потегот кон село Рудари.

За изградба на канализациска мрежа во Драч веќе се обезбедени речиси еден милион денари од Министерството за транспорт, а дополнителни средства ќе бидат обезбедени од општинскиот буџет.

„Очекувам до крајот на годината да ги имаме завршено сите проекти кои во моментов се изработуваат и најголемиот дел од нив да бидат дел од програмите за работа и инвестиции за наредната година“, порача Тоневски.

Тој најави дека за проектите кои бараат поголеми финансиски средства Општина Пробиштип ќе аплицира до достапните домашни и меѓународни фондови.

„Мојата цел е да го развиваме и одржуваме секое населено место во Општина Пробиштип. Верувам дека Пробиштип може да биде пример за тоа како треба да се работи – со план, со проекти и со конкретни инвестиции“, истакна Тоневски.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Проданоски: Вечно ќе ја чуваме храброста и жртвата на бранителите од Карпалак

Следно

Општина Битола инвестира во патната инфраструктура – асфалтирани две улици кај Здравствениот дом

Latest from Blog

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во

Општина Битола: Продолжува креирањето на буџетот за 2027 година заедно со граѓаните

Општина Битола го најави одржувањето на третиот буџетски форум, на кој граѓаните ќе имаат можност да учествуваат со свои идеи, предлози и иницијативи во процесот на креирање на општинскиот буџет за 2027

Божиновска: На 25 ноември во Скопје го отвораме Првиот форум за енергетска дипломатија

На 25 ноември, во хотелот „Александар Палас“ во Скопје, ќе се одржи Првиот форум за енергетска дипломатија „Обновливи извори и жените во енергетиката“, најави министерката за енергетика, рударство и минерални суровини, Сања
Go toTop