Во можеби најдобриот натпревар на Мундијалот досега, Англија ја победи Хрватска со 4-2 на отворањето на групата Л на Светското првенство. Извонреден натпревар меѓу големите ривали во Далас, кој на крајот заврши со победа на Англичаните, кои на тој начин направија голем чекор напред кон втората фаза од натпреварувањето.
Хари Кејн ја доведе Англија во водство со гол во 12-тата минута. Лука Модриќ го фаулираше Нони Мадуеке во шеснаесетникот, а судијата Клемент Турпин покажа кон белата точка. Топката ја намести Хари Кејн, а неговиот удар го одбрани Доминик Ливаковиќ, по што следеше вистинска драма. Судијата Клемент Турпин, по асистенција од ВАР собата, пресуди дека Ливаковиќ ја напуштил гол-линијата со двете нозе пред англискиот напаѓач да го изведе ударот, па затоа пеналот беше повторен. Кејн ја искористи шансата и му донесе водство на Гордиот Албион.
Хрватите израмнија во 36-тата минута од натпреварот со спектакуларен гол на Мартин Батурина. Англија поведе повторно во 42-та минута од натпреварот, кога Деклан Рајс изведе корнер, а Хари Кејн со глава ја смести топката во мрежата на „коцкестите“.
Во финишот на првиот дел, со голот на Муса, Хрватска и вторпат се врати, овој пат за 2:2.
Англичаните го отворија второто полувреме брилијантно и повторно поведоа во 47-та минута преку Џуд Белингам. Истиот играч повторно се закани две минути подоцна, по него и О’Рајли, но резултатот остана непроменет.
И конечно, во 85-тата минута од натпреварот, Маркус Рашфорд брилијантно ги исфрли хрватските дефанзивци од игра, а потоа со мајсторски удар го „нокаутира“ Ливаковиќ за конечни 4:2.
Извор: vecer.mk
