Градоначалникот на Битола, Тони Коњановски, присуствуваше на прославата по повод Денот на Европа, која се одржа во „Европската куќа“ во Битола, сместена во Офицерскиот дом, во атмосфера исполнета со музика, млади луѓе и позитивна енергија.
На настанот, заедно со амбасадорот на Европската Унија во Македонија, Михалис Рокас, бројни битолчани и млади посетители уживаа во музичката програма организирана по повод 9 Мај – Денот на Европа.
Под мотото „Уживај ја Европа со музика“, прославата донесе урбана атмосфера и современ музички концепт, а за добрата забава беа задолжени „DJ Dejan Dex“ и алтернативниот бенд „Funk Shui“, кои со своите настапи создадоа одлична атмосфера во срцето на Битола.
Коњановски истакна дека било вистинско задоволство да се биде дел од прославата која ги обедини младите, музиката и европските вредности на едно место, потенцирајќи ја важноста на ваквите настани за зближување на заедницата и промоција на културниот и европскиот дух.
Настанот помина во одлична атмосфера, со многу музика, дружење и позитивна енергија, а Офицерскиот дом уште еднаш беше центар на урбаните случувања во Битола.
