Наместо пакување куфери за Јадранското приморје, голем дел од младите кадри годинава решија да останат во домашните објекти, а анализите покажуваат стагнација на трендот на заминување на сезонска работа во странство вели универзитетскиот професор Климент Наумов.
По долгогодишна борба со недостигот на работници, газдите конечно го одврзаа ќесето.
Поради минатогодишното потфрлање на хрватскиот туризам во делот на потрошувачката македонските работници почнаа да ја преиспитуваат математиката за работа на Јадранот.Доколку во 2024 година со плата од 1.200 евра во Хрватска можеше да се заштеди половина, лани, со поскапувањето на храната и сместувањето, чистата заработка на македонските печалбари се изедначи со платите во домашните елитни хотели.
Дали овој тренд ќе продолжи, зависи исклучиво од континуитетот на подобрување на работничките права. Засега, македонскиот туризам успева да го „купи“ мирот со повисоки плати, но предизвикот за квалитетна услуга останува отворен.
Извор: zurnal.mk
