УЕФА денеска ги објави судиите за реванш натпреварите во четвртиналето од Лигата на шампионите. Дуелот меѓу Баерн Минхен и Реал Мадрид ќе го суди Словенецот Славко Винчиќ. Негови помошници ќе бидат Томаж Кланчник и Андраж Ковачиќ, а четврти судија ќе биде Давид Шмајц. ВАР тимот ќе го водат Холанѓаните Пол ван Боекел и Денис Хиглер.
Натпреварот меѓу Арсенал и Спортинг ќе го суди француски тим предводен од Франсоа Летексие. Ќе му помагаат Сирил Муние и Мехди Рахмуни, а Стефани Фрапарт ќе биде четврти судија. Германецот Бастијан Данкерт ќе биде видеопомошник на судијата, а Белгиецот Брам ван Дрише ќе биде негов асистент.
Извор: vecer.mk
