Врз основа на прецизни разузнавачки информации од военото разузнавање, воздухопловните сили извршија ноќен напад во Техеран и го елиминираа Маџид Хотам-Хасини Хадеми, шеф на разузнавачката организација на Револуционерната гарда, објави израелската војска на мрежата X.
„Хадеми беше еден од клучните команданти на Револуционерната гарда и имаше долгогодишно воено и безбедносно искуство.
Тој беше назначен на оваа позиција по елиминацијата на Мохамед Хотами во операцијата „Лавовски подем“.
„Како дел од неговите должности, тој работеше на собирање разузнавачки информации за да формира разузнавачка слика за највисоките структури на режимот за време на операцијата „Лавовски подем“, се вели во соопштението.
חיל-האוויר חיסל בטהרן את יושב ראש ארגון המודיעין של משמרות המהפכה
חיל-האוויר בהכוונה מודיעינית מדויקת של אמ”ן, תקף במהלך הלילה בטהרן וחיסל את מג’יד כאט’ם-חסיני ח’אדמי – יושב ראש ארגון המודיעין של משמרות המהפכה.
ח’אדמי היה אחד המפקדים המרכזיים ביותר של משמרות המהפכה וצבר ניסיון… pic.twitter.com/HwZGoGF8Ra
— Israeli Air Force (@IAFsite) April 6, 2026
Израел вели дека Хадеми бил клучна фигура во таа кампања, а разузнавачките информации што ги собрал биле искористени за планирање и извршување терористички напади.
„Покрај тоа, Хадеми работел на поттикнување терористички активности против Државата Израел и Евреите ширум светот, учествувал во обиди за напади врз американски цели, а бил и одговорен за следење на иранските граѓани како дел од сузбивањето на внатрешните протести во Иран“, се додава во соопштението.
„Неговата елиминација им се придружува на десетиците команданти на иранскиот режим кои беа убиени во операцијата и претставува уште еден тежок удар врз командните и контролните структури на Револуционерната гарда, како и нејзината способност да спроведува терористички активности против Државата Израел и други земји низ целиот свет“, соопшти ИДФ.
Извор: vecer.mk
