Градоначалникот на Чаир, Изет Меџити, оствари средба со жени лидери, професионалци и јавни личности кои активно придонесуваат за унапредување на улогата на жените во политичкиот и општествениот живот.
Средбата се одржа во пресрет на меѓународната конференција во Чаир 2026 година, на тема „Политичката слика на албанската жена: лидерство, мир и европски идентитет“.
Како што информираше Меџити, на состанокот се разговарало за предизвиците и можностите за зголемување на застапеноста на жените во процесите на донесување одлуки, како и за потребата од градење механизми за нивно поголемо зајакнување и влијание.
Тој оцени дека ваквите средби претставуваат важен чекор кон создавање заедничка визија за унапредување на улогата на жените во општеството, со акцент на нивното лидерство и придонес во градењето на мирот и европскиот идентитет.
Меџити најави дека веќе следниот ден оваа визија ќе биде конкретизирана во платформа за соработка, чија цел е да го зајакне учеството на жените како клучни актери во политичкиот и општествениот развој.
