Навивач почина во саботата на новореновираниот стадион „Банорте“ во Мексико Сити откако падна од ложа кратко пред натпреварот за повторно отворање на стадионот, соопштија безбедносните претставници. Трагедијата се случила во објектот попознат по старото име „Ацтека“, каде што се одржа пријателски натпревар помеѓу Мексико и Португалија, пишува „Ројтерс“.
Натпреварот послужил како тест за стадионот откако градежните работи биле брзо завршени за да се исполни рокот во сабота. Овој стадион, каде што е закажана церемонијата на отворањето на Светското првенство во фудбал на 11 јуни, ќе биде домаќин на натпреварите од третото Светско првенство, што го прави единствен во светот.
Според властите, починатиот маж бил под дејство на алкохол. Тој се обидел да скокне од ложата на второто ниво на онаа на првото, качувајќи се на надворешниот дел од структурата, по што паднал на приземјето. Пријателскиот натпревар помеѓу Мексико и Португалија завршил со резултат од 0:0.
Извор: vecer.mk
