Околу 50 мигранти загинаа откако нивниот брод потона во централниот дел на Средоземно море. Веста ја објави доцна синоќа весникот „Тајмс оф Малта“, јавува агенцијата Анадолија.
Вооружените сили на Малта потврдија за малтешки весник дека еден маж бил спасен од товарен брод покрај брегот на Тунис во петокот. По спасувањето, тој бил префрлен во Малта на медицински третман. Настанот го потврди и Alarm Phone, независна група за поддршка на мигранти кои го преминуваат Средоземното Море.
На социјалната мрежа X тие изјавија:
„Властите потврдуваат дека еден преживеан е спасен на Малта. Според него, 50 луѓе не преживеале. Луѓето го напуштиле Тунис и поминале 24 часа во вода“.
Минатата недела, „Alarm Phone“ објави дека околу 150 луѓе се водат како исчезнати во Средоземното море, кои отпловиле од Тунис со најмалку три брода. Сè уште не е потврдено дали бродот кој потона бил еден од трите.
Извор: tv21
