Градоначалникот на Општина Битола, Тони Коњановски, ги повика граѓаните да ја прослават Новата година заедно на платото пред Офицерскиот дом. Тој истакна дека снегот кој ја покри Битола во ноќта пред празникот го направи градот уште поубав и дека атмосферата на предновогодишната „Зимска приказна“ веќе донесе забава, музика и дружба на сите локации.
„Време е заедно да одбројуваме и да ја дочекаме новата година. А има ли поубаво место од епицентарот на забавата – платото пред величествениот Офицерски дом“, порача Коњановски.
Вечерната програма започнува во 20:30 часот со настапи на Борче Наумовски, претстави од „Кабаре за раѓањето и вечноста“ и „Баркод бенд“, а од 23:00 до 1:00 по полноќ сцената ќе ја заземе групата „Нокаут“.
Градоначалникот исто така ги поздрави традиционалните планинари кои на први јануари ќе го искачат врвот „Пелистер“.
„Да бидеме заедно, обединети, во новогодишно заедништво. Се гледаме вечерва пред Офицерскиот дом“, порача Коњановски.
