Се си има свој крај, па така и престојот на Бернардо Силва во Манчестер Сити. Како што велат информациите од Островот, Португалецот на лето би можел да си замине од „Етихад“. Според последните информации, португалскиот играч од средниот ред би можел да се пресели во Јувентус како слободен агент во летото 2026 година.
Според извештаите од Италија, Јувентус веќе сериозно размислува за неговото доаѓање, а Силва наводно е подготвен за промена.
Заминувањето на Силва од Сити би бил голем удар за тимот, кој губи еден од своите најважни „војници“. Сепак, се чини дека дојде време за нова фаза во неговата кариера, а Италија би можела да биде неговата следна дестинација. Клубот од Торино го гледа како засилување за средниот ред, што ќе биде клучно за враќање во борбата за титулите во Серија А и Европа. Силва е познат по својата техничка вештина, брзина и разноврсност, што го прави совршен за стилот на игра на Јувентус. Овој трансфер би донел многу квалитетно искуство во средниот ред, кој сега би можел да биде уште посилен.
Во Торино веруваат дека Силва би можел да ја донесе потребната енергија и креативност што клубот ја бара во офанзивниот дел од играта.
Извор: vecer.mk
