Што значи еден потег, еден фудбалер или една измена во фудбалот. Тоа најдобро се виде на мечот Челзи – Астон Вила. Се до 60.минута гостите беа во ногдаун, губеа со 1:0 а тогаш дојде потегот на тактичкиот генијалец Унаи Емери и ја направи веројатно најдобрата измена во историјата на Премиерлигата. Во игрта го внесе Оли Воткинс. Следуваше вистинска рапсодија и победа на Вила со 1:2.
Оли Воткинс беше херој – постигна два гола, во она што стручниот коментар на „Скај Спортс“, Џејми Реднап, го нарече „едно од најголемите влијанија што доаѓа од клупата во историјата на Премиерлигата.
„Тактички гениј“, рече Воткинс за Емери.
„Тој го промени тоа затоа што Челзи играше човек на човек, но тие имаа дополнителен чувар кога игравме со долги топки. Кога влегов во игра, тој ги стави Џејдон и Морган Роџерс на крилата и го премести Јури на позицијата број десет, па имавме повеќе играчи таму. Тој е тактички гениј“. Тоа беше 11-та победа по ред на Вила во сите натпреварувања (клупски рекорд), осма во Премиер лигата.
„Не баш“, рече Емери кога го прашаа дали верува дека Астон Вила може да ја освои титулата.
„Имам чувство дека се бориме за Европа, а не за титулата со Манчестер Сити и Арсенал. Одигравме 18 натпревари, а ни остануваат уште 20. Тимови како Ливерпул, Челзи и Манчестер Јунајтед – мора да се натпреваруваме со нив. Мора да бидеме конзистентни во текот на 38-те кола“.
Следниот меч е со Арсенал:
„Тој натпревар ќе биде многу тежок. На Емирати, тие се исклучително силни. Следниот предизвик е најголемиот предизвик што нè чека, бидејќи тие во моментов се најдобриот тим во Премиер лигата и Лигата на шампионите. Но, имаме многу добри играчи и се обидувам да поставувам високи барања во сè. Секој натпревар е предизвик, а гостинските натпревари се уште поголем предизвик. Секако, тие се фаворити“, заклучува Емери.
Извор: vecer.mk
