Наполи и Елиф Елмас запишаа голема победа во 13-тото коло во Серија А, откако го победија Јувентус на својот стадион со 2:1, во големото дерби. Македонскиот репрезентативец одигра уште еден комплетен меч иако на поинаква улога, но покажува дека полека ја добива довербата на тренерот.
„Можам да направам сè на теренот, во моментов треба да играм како дефанзивен играч од средниот ред и мислам дека добро одговорив. Важно е што тимот победи, ако е потребно нешто друго, се обидувам да го направам тоа.
Играњето со Мектоминај беше убаво, тој е малку поофанзивен и се обидов да го покријам. За да играш на оваа позиција мора да бидеш интелигентен, инаку не можеш да покриеш сè“.
Потоа откри инструкции од Антонио Конте за време на подготовките за натпреварот:
„Го подготвивме натпреварот како да играат со еден напаѓач, но тренерот ни рече да одиме и да ги притиснеме и ги постигнавме овие три важни бода.“
Извор: vecer.mk
