Сантос го победи Хувентуд со 3-0 во претпоследното коло од бразилската Серија А и речиси сигурно обезбеди опстанок.
Сите три гола за „светците“ ги постигна Нејмар. Тоа беше првиот хет-трик на првата ѕвезда на Сантос по две и пол години – последниот го постигна кога играше за ПСЖ против Клермон.
Овој, без сомнение, му е далеку поважен и подраг, неспоредливо поважен, бидејќи се случи во натпреварот на сезоната за неговиот матичен клуб, на гостински терен, во борбата за опстанок…
We just witnessed football history on stream tonight. We watched Neymar score a hat trick in a game his team HAD to win to avoid relegation.
Neymar isn’t washed.
Neymar is still HIM. Football heritage. 🇧🇷🐐❤️ pic.twitter.com/JFoTzwC3Mf
— Zwë 🍟 (@ZwebackHD) December 4, 2025
Нејмар, за кого сè уште не е познато дали ќе ја продолжи кариерата во Сантос, исто така го одигра овој меч иако има повреда на менискусот на левото колено, играјќи по втор пат по ред во таа состојба, но тоа не го спречи да блесне и да лета по теренот.
Нејмар го постигна првиот гол во 56-тата минута, по брилијантен контранапад и ефективен финиш, вториот во 65-тата по додавање од Игор Винисиус, за да стави крај на неговиот најдобар натпревар од враќањето во клубот од пенал во 73-тата минута.
На едно коло до крајот, Сантос е 14-ти со 44 бода, два повеќе од првиот тим „под линијата“ Виторија, па бод во последниот натпревар против Крузеиро, дома, практично ќе им го гарантира опстанокот.
Нејмар ја исполни својата мисија во својот сакан клуб…
Извор: vecer.mk
