Воен авион на елитната демонстрациска ескадрила „Thunderbirds“ на Американското воено воздухопловство се урна во пустината во јужна Калифорнија во средата, но пилотот успеа безбедно да се катапултира, соопшти армијата.
Пилотот е згрижен во болница поради повреди кои не се опасни по животот, наведува противпожарната служба на округот Сан Бернардино.
Авион F-16C Fighting Falcon се урнал околу 10:45 часот за време на тренажна мисија „над контролираниот воздушен простор во Калифорнија“, според соопштението на базата Нелис во Невада.
Противпожарната служба соопшти дека интервенирала по „авионска итна ситуација“ во близина на Троне, некорпорирана заедница во пустината Мохаве, околу 290 километри северно од Лос Анџелес.
Во 2022 година, морнарички F/A-18E Super Hornet се урнал во близина на Троне, при што пилотот загинал.
Несреќата е под истрага, а дополнителни информации ќе бидат објавени од Канцеларијата за односи со јавноста на 57. ескадрила, наведува Воено воздухопловство.
Слично како морнаричките „Blue Angels“, „Thunderbirds“ изведуваат познати тесни формации на аеромитинзи и тренираат да летаат буквално на неколку сантиметри едни од други. Краткото соопштение на Военото воздухопловство не наведува детали за околностите на падот.
„Blue Angels“ и „Thunderbirds“ имале десетици несреќи во текот на својата долга историја.
Формирани во 1953 година, „Thunderbirds“ сезонски тренираат од базата Нелис во близина на Лас Вегас. Во нив се вклучени борбени авиони F-16 Falcon и F-22 Raptor, како и jуришни авиони A-10 Warthog.
Извор: tv21
