Могерини вели дека е невина: Убедена сум дека ќе се утврди законитоста на постапките во Академијата

Федерика Могерини, поранешната шефица на дипломатијата на ЕУ, беше едно од трите лица уапсени од белгиската полиција во вторник, во рамките на обемна истрага за измама околу финансирањето на Академијата во Бриж за млади дипломати, изјавија две лица запознаени со истрагата за „Еурактив“ и нејзиниот партнер „Де Стандард“.

Сепак, самата таа ги негираше овие обвинувања, и порача дека ќе се утврди законитоста на постапките на колеџот.

„Имам целосна доверба во судскиот систем. Убедена сум дека ќе се утврди законитоста на постапките на Академијата“, вели Могерини.