Мурал со приказни од дијаспората – ново уметничко обележје во Битола

November 29, 2025
1 min read

Во центарот на Битола, со пригодна свеченост беше откриен муралот на австралискиот уметник Финтан Скот Меги, создаден по повод 30-годишнината од воспоставувањето на дипломатските односи меѓу Македонија и Австралија.

„Фантастично е што сум тука, посебно ми е драго што се запознав со градоначалникот на Битола, Тони Коњановски. Овој мурал, кој сè уште не е целосно довршен, ќе носи симболи на двете земји и ќе ги одразува нашите меѓусебни односи“, изјави Австралискиот амбасадор Н.Е. Петер Трасвел, кој заедно со почесниот конзул присуствуваше на настанот.

Градоначалникот Тони Коњановски истакна дека муралот е уште еден доказ за блиските врски меѓу Македонија и Австралија.

„Овој мурал го промовира пријателството меѓу двете земји и нашата голема дијаспора која сè почесто се враќа во татковината. Тој ќе биде силен симбол на нашите односи токму во годината кога одбележуваме 30 години дипломатски врски“, рече Коњановски.

Тој додаде дека градот ќе продолжи со иницијативи за уметничко разубавување на јавните простори преку нови мурали.

Уметникот Финтан Скот Меги, кој има изработено дела во многу европски и светски земји, нагласи дека преку уметноста сака да ја пренесе човечката приказна.

„Преку предметите што ги прикажувам во муралите ги пренесувам искуствата на луѓето кои доаѓале во Австралија. Овој мурал ќе ги одразува пријателските односи меѓу луѓето“, изјави тој.

Муралот е поставен на фасада во близина на некогашната стоковна куќа „Јавор“.

Leave a Reply

Your email address will not be published.

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Најмалку 19 лица загинаа при превртување на брод на езеро во Конго

Следно

За малку сензација: Баерн со голови во судиското продолжение го “реши“ Сент Паули!

Latest from Blog

Ехо и уролошки прегледи на повеќе од 70 пациенти: Нелоска со благодарност до доктори и градоначалници

Многу успешно одбележување на МОВЕМБЕР во ЈЗУ СБГПМ 13 Ноември Скопје, вели директорката на установата, Ленче Нелоска. -Беа направени ЕХО и уролошки прегледи на повеќе од 70 пациенти. Голема благодарност до Д-р

ЗА ДА ПРИВЛЕЧЕ СРЕЌА, ЗДРАВЈЕ И ПАРИ: Каде треба да стои новогодишната елка и како да се украси?

Новата година носи нова енергија, а украсувањето на елката според принципите на фенг шуи може да ви помогне да внесете просперитет, здравје и хармонија во вашиот дом! Влегувањето во новата година е

Трамп: Воздушниот простор над и околу Венецуела ќе биде целосно затворен

Американскиот претседател Доналд Трамп денес објави дека воздушниот простор над и околу Венецуела ќе биде целосно затворен. „Порака до сите авиокомпании, пилоти, дилери на дрога и трговци со луѓе: Ве молиме размислете
Go toTop