Градоначалникот на Општина Пробиштип, Тони Тоневски, денес оствари работен состанок со директорот на Центарот за развој на Источниот плански регион, Трајче Здравков.
На средбата се разговарало за тековните активности и идните развојни можности, со фокус на проектите што треба да донесат значајни придобивки за граѓаните на Пробиштип и целиот регион.
Тоневски истакна дека во наредниот период се очекува реализација на повеќе инфраструктурни, економски и социјални проекти кои ќе придонесат за подобрување на квалитетот на живот и понатамошен развој на општината.
„Продолжуваме посветено да работиме за унапредување на животниот стандард и регионалниот развој,“ порача Тоневски.
