Роднината на Еспиноза, Лаура Леварио, изјави дека знаела дека нешто не е во ред штом влегла во капелата за последно збогување со нејзиниот братучед. Видела ковчег што не го нарачала, а потоа настанал шок, објави Сан.
„Имаше златно срце“
Кога погледнала поблиску, сфатила дека во ковчегот не бил на нејзиниот братучед Џои!
„Телото не беше на мојот братучед, а ковчегот што го зедовме го немаше таму“, рекла таа.
Скршеното семејство на Џои барало неговите останки веднаш да се пронајдат за правилен погреб.
„Имаше златно срце. Ми беше како син“, рекла Лаура со солзи во очите.
Повторно погрешен ковчег
По страшното искуство, жената рекла дека нејзиното семејство било однесено во друга соба. Таму бил и погрешниот ковчег.
На персоналот му требаше повеќе од еден час да ги упати во вистинската соба, каде што конечно можеле да почнат да тагуваат.
„Не знаеја каде е телото на мојот братучед“, додаде таа.
Тужба за погребалната агенција
Нејзиниот сопруг, Џорџ, доживеал срцев удар поради акутен стрес предизвикан од хаосот. Тој бил на апарати за одржување во живот три дена пред да се разбуди. Лаура вели дека тоа било најлошото искуство што некогаш го имале.
Погребалната агенција ја признала грешката и му понудила на семејството извинување од 200 долари. Сепак, трошоците за погреб биле нешто помалку од 20.000 долари.
Семејството Еспиноза сега ја тужи компанијата за емоционална вознемиреност и небрежност.
„Наместо да тагуваат по својот близок, тие го бараа телото. Кога трошите толку пари на место како Форест Лоун, би помислиле дека би ги направиле работите како што треба“, рече нивниот адвокат.
Извор: vecer.mk
