Литванскиот аеродром Вилнус беше привремено затворен во четврток поради балони кои летале во близина, соопшти аеродромот во објава на Фејсбук, што е шести ваков инцидент овој месец.
Литванија е убедена дека балоните ги испраќаат шверцери кои транспортираат нелегални цигари, но исто така го обвинува белорускиот претседател Александар Лукашенко, близок сојузник на рускиот претседател Владимир Путин, за тоа што не ја спречил оваа практика.
„Според прелиминарните информации, одлуката за ограничување на воздушниот простор е донесена поради еден или повеќе балони кои летаат во правец на аеродромот Вилнус“, соопштија од аеродромот.
Сообраќајот на главниот аеродром ќе биде сопрен најмалку до 22 часот.
Извор: tv21
