Министерката за енергетика, рударство и минерални суровини Сања Божиновска учествува на отворањето на еден од највлијателните глобални форуми – Berlin Global Dialogue 2025, кој оваа година се одржува под мотото „Shifting Power, Shaping Prosperity“.
Форумот во Берлин ги обединува светските лидери, министри и визионери кои ја обликуваат иднината на глобалниот економски и енергетски развој. Божиновска утре ќе биде говорник на панел посветен на енергетската трансформација и одржливоста, тема која, како што истакна, ја дефинира иднината на секоја земја, вклучувајќи ја и Македонија.
„Чест е да се претставува Македонија таму каде што се зборува за иднината на енергијата и глобалниот развој“, напиша Божиновска.
