„Во Чаир, секој граѓанин ќе има свое место, на работа, во институциите, во јавниот живот и во секој чекор од секојдневието.“ Со оваа јасна порака, кандидатот за градоначалник на Општина Чаир од редовите на владејачката коалиција ВЛЕН, г. Изет Меџити, ја отвори денешната прес конференција, претставувајќи ја својата визија за еднаква и инклузивна општина, каде човечкото достоинство и еднаквите можности се во сржта на секоја локална политика.
Подолу ви го пренесуваме интегралниот говор на кандидатот г. Изет Меџити:
Почитувани граѓани,
Почитувани медиуми,
На денешната конференција ќе зборуваме за еднаквост, можности и достоинство, за правото секој граѓанин на Чаир да го има своето место на работа, во институциите, во јавниот живот и во секој чекор од секојдневието.
Во нашиот програм, грижата и инклузијата на лицата со попреченост се една од главните столбови.
Во соработка со организациите што работат во оваа област, ќе изградиме долгорочни политики за пристап до образованието, здравствените услуги, транспортот и јавните простори.
Ќе создадеме специјални програми за вработување и обука на овие лица во јавниот сектор и во локалните институции. Ќе ги поддржиме микро-бизнисите, социјалните претпријатија и заедничките иницијативи, затоа што економската независност е темелот на човечкото достоинство.
Оваа заложба започнува од мене лично, од мојот кабинет.
Затоа денес сакам да ја споделам веста дека г. Ќамуран Исмаили, извонреден човек и професионалец ќе биде дел од мојот кабинет како советник.
Ќамуран нема да биде во мојот кабинет за симболика, туку за влијание. Неговиот глас е гласот на една заедница која заслужува да биде слушната. Неговото искуство е мост меѓу институциите и граѓаните кои често се чувствуваат заборавени.
Почнувајќи од мојот кабинет, ние ја претвораме оваа заложба во реалност. Чаир ќе стане пример за инклузивност, еднаквост и почит кон секој граѓанин.
Затоа што вклученоста на секој човек не е привилегија, тоа е право.
Чаир ќе биде пример за општина што не дели, туку обединува, што не исклучува, туку оспособува, што не зборува за луѓето, туку ги слуша и работи заедно со нив.
