Градоначалникот на Општина Битола и кандидат за нов мандат, Тони Коњановски, вечерва присуствуваше на одбележувањето на една година од формирањето на политичката партија Движење ЗНАМ за наша Македонија.
На средбата, како што истакна Коњановски, била изразена јасна поддршка за неговата работа како градоначалник и за визијата за развој на Битола.
„Поддршката е потврда дека заедно, преку партнерство и заеднички цели, можеме да постигнеме многу повеќе за Битола и битолчани,“ рече Коњановски.
Тој се заблагодари за довербата и ја истакна заедничката цел за „современа, уредена и силна Битола“.
„На 19 октомври ќе ја потврдиме довербата и ќе ја однесеме Битола кон нова победа,“ порача Коњановски.
