Кандидатот за градоначалник на Општина Чаир, Изет Меџити, денеска ја посети златарската работилница „SM Gold“, каде што се сретна со мајсторите на златарството Мевлан Јакупи – Мефо и Самир Ибраими, кои со години го негуваат овој традиционален занает.
Во својата објава, Меџити истакна дека овие мајстори, вујко и внук, со голем труд, посветеност и уметничка прецизност создаваат уникатни дела од злато и сребро, продолжувајќи ја традицијата што ја започнал нивниот татко пред повеќе од 50 години.
– Овој благороден занает е вредност на Старата скопска чаршија, културно и духовно богатство кое го идентификува Чаир и целиот наш Скопје – порача Меџити.
Тој изрази благодарност за добиениот подарок – уникатно изработена запалка со логото „Влен“ и неговиот портрет, симбол на поврзаноста меѓу чесната работа, креативноста и вредноста на занаетчиството.
– Горди сме на еснафите на Чаир, на рацете што создаваат уметност и на луѓето кои со својата посветеност му даваат живот, достоинство и идентитет на нашето чаршиско наследство. Тоа е Чаирот што го сакаме – Чаир на трудот, уметноста и традицијата што ја инспирира иднината – истакна Меџити.
