Македонската фудбалска репрезентација вечерва се соочува со Белгија во критичен натпревар кој може да значи пласман на Светското првенство. Дуелот се игра во Гент со почеток во 20:45 часот и ќе се пренесува на МРТ.
Целата земја е зад своите играчи, со надеж и верба дека оваа генерација може да создаде историја. „Белгија е екстра квалитетна селекција и игра на домашен терен, но ретко која македонска генерација имала шанса да игра меч со вакво значење. Играчите мора да влезат на теренот со позитивна мисла и максимална верба дека можеме да оствариме голем резултат“, изјавија од Фудбалската федерација.
Македонските фудбалери се подготвени да дадат сè од себе, да се борат до последната капка пот и да покажат дека Македонија има квалитет за големи натпреварувања.
„Среќно на нашата репрезентација – нека натпреварот биде победнички и историски!“, порачаа навивачите, мотивирајќи ја селекцијата пред вечерашниот дуел.
