Според најновата анкета на агенцијата „Стратум“, кандидатот на коалицијата ВЛЕН за градоначалник на Општина Чаир, Изет Меџити, има убедливо водство со 48% поддршка од анкетираните граѓани. На второ место е кандидатот на Алијансата за национална интеграција, Бујар Османи, со 38%.
Анкетата е спроведена преку 509 директни интервјуа со жители на Општина Чаир, избрани по методата на квотно избирање според месна заедница, во периодот од 29 септември до 3 октомври 2025 година.
Резултатите укажуваат на стабилна предност на Меџити пред локалните избори и потврдуваат дека тој задржува силна изборна поддршка во Чаир, каде што со години е една од највлијателните политички фигури.
