Претседателот на Фудбалската федерација на Македонија, Масар Омерагиќ, најави целосна реконструкција на тренинг центарот „Петар Милошевски“. Работите вклучуваат обновување на теренот број 1 со нова дренажа и тревна подлога, изградба на нов паркинг и пристап до трибините на теренот 2, како и нов визуелен изглед на целиот центар.
„Создаваме современи услови за развој и работа на сите наши национални селекции,“ изјави Омерагиќ, нагласувајќи дека инвестициите се насочени кон обезбедување модерни и функционални услови за фудбалерите и стручниот кадар.
