Кандидатот на ВМРО-ДПМНЕ за градоначалник на Општина Пробиштип, Тони Тоневски, на локалните избори закажани за 19 октомври најави изградба на нова индустриска зона со целосна инфраструктура.
„Силната локална економија е директен фактор и индикатор за квалитетен живот на секој граѓанин. Со новата индустриска зона ќе се отворат можности за фабрики, погони и нови работни места. Поголемата конкурентност ќе придонесе за подобри услови и повисоки плати“, изјави Тоневски.
Тој најави и конкретни мерки за поддршка на младите и малите и средни претпријатија, меѓу кои обезбедување бесплатни канцелариски простории, како и помош при аплицирање до меѓународни фондови преку организирање трибини и обуки.
„Да вложуваме заедно, да ја градиме општината заедно, затоа што економски силна општина е успешна општина“, порача Тоневски.
