Кандидатот за градоначалник на општина Битола, Тони Коњановски, денеска присуствуваше на настанот „Саем на бизниси – иновации што инспирираат“, кој се одржа во Офицерскиот дом, во организација на Советот за женско претприемништво.
Саемот имаше за цел да ги обедини претприемачите, жените кои успешно водат сопствени бизниси и иноваторите што носат нови идеи. Настанот претставуваше можност за размена на искуства, претставување на најновите трендови во бизнисот и отворање пат за идни соработки и партнерства.
„Жените претприемачи и иноваторите се двигател на локалниот развој. Ваквите настани се важни бидејќи создаваат нова енергија и ги охрабруваат младите и креативните луѓе да инвестираат во своите идеи“, истакна Коњановски.
Тој додаде дека ќе продолжи да ја поддржува претприемачката иницијатива и да создава услови за поинтензивен економски развој на Битола.
