Кандидатот за градоначалник на општина Прилеп, Дејан Проданоски, денеска оствари средба со пензионерите од градот, со кои разговараше за нивните потреби и предизвици. Тој истакна дека пензионерите се значаен дел од општеството и заслужуваат поголемо внимание и почит.
Здружението на пензионери во Прилеп брои над 12.000 членови и е едно од најголемите во Македонија. Проданоски нагласи дека дел од барањата на пензионерите веќе се предвидени во изборната програма на ВМРО-ДПМНЕ, а наскоро ќе следат и конкретни решенија.
„Владата предводена од ВМРО-ДПМНЕ веќе обезбеди 5.000 денари линеарно зголемување на пензиите во првата година. Ќе следат и нови мерки за поголема социјална сигурност и подобри услуги за пензионерите“, рече Проданоски.
Тој додаде дека му било драго лично да ги слушне мислењата и предлозите на пензионерите, бидејќи тие претставуваат основа за креирање на вистински политики. „Ќе продолжиме да работиме за пензионерите да се чувствуваат вреднувани, сигурни и поддржани“, нагласи Проданоски.
