Конечно протекоа детали за приходите на Жозе Мурињо во Бенфика. Легендарниот португалски тренер се согласил на најниската плата во последните две децении. Мурињо беше отпуштен од Фенербахче минатиот месец, каде што имаше годишна плата од 10 милиони евра.
62-годишникот забележа две победи и едно реми во своите први три натпревари на клупата на Бенфика, а денеска се враќа на “Стемфорд Бриџ“ во меч од Лигата на шампионите против Челзи, клубот каде што остави длабок белег за време на два легендарни мандати.
Претседателот на Бенфика, Руи Коста, инсистираше на тоа дека Мурињо е сè уште еден од „најголемите тренери“ на денешницата. Сепак, јасно е дека познатиот тренер се согласил на значително намалување на платата за да се врати во својот прв клуб. Коста откри дека двегодишниот договор вреди околу 3 милиони евра нето во првата сезона, а во втората ќе се зголеми на 4 милиони евра.
Сума која навистина не е за верување, просто да го жалиш Мурињо, но тоа е негова желба, на тренерот кој само од отпремнини заработил 102 милиони евра.
“Тоа е најниската плата што ја имал Жозе Мурињо откако ја напушти Португалија. Неговата желба да дојде во Бенфика беше едно од нештата што ме натера уште повеќе да верувам дека тој е идеалниот тренер за Бенфика. Тој ја разбираше реалноста на Бенфика и дека е изборен период“, посочи Руи Коста.
Извор: vecer.mk
