Поради пренатрупаност и прекумерна толпа, пристапот до Октоберфест беше затворен денес попладне, објави „Билд“.
Полицијата во Минхен објави на Твитер во 17:56 часот дека имало премногу гужва.
„Настанот Октоберфест сега е затворен поради голема посетеност. Ве молиме, не доаѓајте на Октоберфест“, се вели во соопштението.
Полицијата го издаде ова известување на англиски и италијански јазик до туристите.
Причината за затворањето е тоа што десетици илјади луѓе се собраа на најголемиот фестивал во светот, а топлиот и сончев ден придонесе за уште поголема толпа.
Извор: tv21
