Компанијата Грин Машинс учествуваше на 89-от Меѓународен саем во Солун, најголемиот и најпрестижен саем во Грција.
На настанот, компанијата ги изложи своите најнови возила за урбана хигиена, вклучувајќи модели со електричен, водороден и класичен погон.
Присуството на саемот им овозможи на Грин Машинс да ги претстави своите иновативни решенија и да ги понуди на повеќе грчки градови, со цел подобрување на урбаната средина и еколошкиот отпечаток на градските услуги.
„Саемот во Солун е одлична можност за нашата компанија да го прошири своето присуство и да ја промовира технологијата која го трансформира одржувањето на градовите“, изјавија од Грин Машинс.
