Променливите ставови на левицата за државното финансирање на политичките партии може да се критички разгледаат како знак на политичка непредвидливост и евнтуално искористување на финансирањето за краткорочни политички цели. Тие можат да бидат третирани како декларативни формалности наместо суштински промени со цел за подобрување на демократските принципи.
Критички гледано, ваквите промени укажуваат на нејасност и нестабилност во начинот на разбирање и применување на концептот на еднаков пристап до финансии. Наместо да се гради на цврсти и транспарентни принципи, тие се користат како политички заложници, што може да доведе до губење на довербата кај граѓаните и партиите. Промените во ставовите, особено ако течат без јасна и доследна стратегија, го покажуваат недостатокот од вистинска политичка волја за реформа и борба против корупцијата и фаворитизмот.
Покрај тоа, таквите промени создаваат впечаток на политичка манипулација, каде што финансирањето се користи како инструмент за ситни политички пресметки, наместо како механизам за градење на фер демократски услови. Овој став, кога е промоштван без аргументи и се менува според политичкиот ветер, ја ослабува демократската култура и отвора простор за злоупотреби.
Заклучно, вакви променливи ставови укажуваат на субјективност и неспособност да се одржи последователна и транспарентна политика за финансирање. Тоа е штетно за кредибилитетот на целниот систем и може да ги подрије темелите на демократските принципи. За да се избегне оваа ситуација, потребна е цврста и стабилна рамка која ќе се почитува доследно, независна контрола и јавна отчетност.
Левица низ годините со различни изјави и ставови за државно финансирање на политичките партии. Ако во 2020 година им беше важно финансирањето и на „помалите“ политички парии бидејќи на тој начин се обезбедува политичка независност, во април оваа година истите бараат укинување на финансирањето на „помалите“ сметајќи дека не припаѓаат во таа категорија. Само пет месеци подоцна (26.09.2025) Апасиев повторно изразува незадоволство од начинот на финансирање и најави правни чекори. Тој потсети дека целта на законот е сите партии, и парламентарни и вонпарламентарни, да имаат еднаков пристап до средства за рекламирање во изборната кампања.
Апасиев: Забраната за рекламирање на Левица ќе заврши во Стразбур
Ви ги пренесуваме изјавите хронолошки во целост:
Левица во 2020 година : Државното финансирање на партиите е важно, обезбедува политичка независност
Левица 28.04.2025 година: Левица предлага партии со десетици гласа да не добиваат илјадници евра од државата
Левица предложи измени на Законот за финансирање на политичките партии, со цел да се спречи ситуацијата во која партии кои немаат политичко влијание и добиваат само десетици гласови, се финансираат со енормни суми од државата. Пратеникот и портпарол на Левица, Амар Мециновиќ на денешната прес-конференција истакна дека актуелниот Закон дозволува партиите со минимално локално присуство да стануваат финансиски паразити.
„Моментално има политички партии кои немаат речиси никаква локална поддршка помеѓу нашите заедници и во нашите локални населенија. Тие партии добиваат само неколку десетици гласови, а потоа добиваат 70.000 евра од државната каса.
