Вицепремиерот и министер за транспорт и врски, Александар Николоски, вечерва во емисијата „Click Plus“ на ТВ21говореше за претстојните локални избори.
Николоски изјави дека нивниот кандидат за градоначалник на Скопје, Орце Ѓорѓиевски, сигурно ќе го добие главниот град. Дополнително, тој нагласи дека во општина Чаир победата ќе му припадне на Изет Меџити од коалицијата ВЛЕН.
„Мислам дека е извесна работата во Центар. Ние го поддржуваме кандидатот на ЗНАМ, но кога ќе ги видите партиските анкети – ние сме далеку пред СДСМ. Еден на еден, Лабудовиќ е далеку напред и очекувам лесно да биде избран за градоначалник“, изјави Николоски.
